AUTRES LETTRES ESCRITES A MONSIEUR D’ORLEANS

Monsieur, Monsieur le mareschal de Gyé qui mene l’avant garde du roy avecques la bande d’Allemans que maine monsieur de Nevers sont a cinq mille près de Fournaux, attendans le roy qui doit arriver au jour d’uy avecques l’artillerie. Et incontinent que serons assemblez, irons veoir les ennemys quelque part qu’ilz soient. Et croy qu’ilz sont a trois mille par delà ledit Fournaux. Et pour leur chief y est le marquis de Mantua et le conte de Gayesse. Monsieur, vous ne pourriez croire comme le roy et toute la compaignie sont délibérez, et n’avons peur sinon qu’ilz ne nous attendent point.

Monsieur d’Aubigny a escript au roy comme il a gaignié la bataille contre le roy Ferrand®. Je vous envoyé le double des lettres. Monsieur, de ce que surviendra tousjours vous advertiray a t’ayde de Nostre Seigneur. Et a Dieu, Monsieur, auquel je prie qu’il vous doint bonne vie et longue. Escript au camp le 111e jour de juillet.

Moulins , 1 3 juillet (1695).