INTERROGATOIRE DE ROLAND DE PLORET, PAR LE CHANCELIER

(même sujet.)

Du xe jour de juin, l’an mil cinq cens et quatre.

Rolant de Ploret, escuier, a fait le serement aux saintz euvangiles de Dieu de dire vérité; a respondu en la maniéré que s’ensuit, par devant monseigneur le cbancellier.

Premièrement, interogé s’il a jamais oy dire a monseigneur de Nemours que le Roy avoit quelque maladie de flux de sang, au moien de laquelle il ne pouvoit longuement vivre, et que, s’il advenoit qu’il mourut, il garderoit bien que la Royne n’yroit point en Bretaigne et aussi qu’elle n’y menerroit point madame , ou telles ou semblables parolles en effet : dit que non.

Interrogé si ledit sire de Nemours lui a point dit et ordonné que, s il advenoit que le Roy mourust, qu’il menast monseigneur de Vales a Angiers : dit que non.

Bien dit il qu’il est vray que, sont environ deux ans et demy, et est lorsqu’il estoit bruyt que le Roy voloit aller delà les mons, que mondit seigneur de Nemours lui dit que, si madame d’Angolesme voloit recouvrer monseigneur son filz d’Amboise, fut pour crainte de la pestilence ou de ce que une bresche estoit tumbiê audit chasteau d’Amboise, elle le voloit mener ou chasteau d Angiers, qu’il y seroit bien seurement.

Interrogé s’il a point oy dire a mondit seigneur de Nemours que l’artillerie,

nU'IUMEUIE NATIONALE.

que estoit a Amboise, estoit pour garder que nul n’aprouchast de mondit seigneur de Valoys que par sa main : dit que non ; mais lui a bien oy dire qu’elle estoit la pour fere une monstre aux estrangiers qui passoient pour la , pour l’onneur du Roy.

Interrogé s’il scet point que mondit seigneur de Nemours eust fait faire serement aux archiers de sa compaignie, qui estoient audit Amboise avecques ledit depposant, que ilz garderoient mondit seigneur de Valois et ne le livreroient, sinon a lui: bien vray qui a ouy dire ausdits archiers, car il n’estoit pas présent, mais estoit en sa maison au temps de lors que mondit seigneur de Nemours les feist venir en la chapelle oudit chasteau d’Amboise et leur feist faire serement, en presence du corps de Nostre Seigneur, y estre et par icellui de servir bien etloyaument le Roy en la garde de mondit seigneur de Valoys, et, s’iiz savoieut aucune entreprinse contre ledit seigneur, qu’ilz le diroient audits depposant, et qu’ilz ne partiroient dudit chasteau d’Amboise sans licence dudit depposant ou de celui qui en avoit la charge.

Interrogé s’il a point seu que mondit seigneur de Nemours ait voulu pratiqué avec madite dame d’Angolesme qu’il eust la principale autorité auprès elle et monseigneur son filz, s’il advenoit que le Roy mourut : dit que non. — Rolland de Ploret et Crodsset.

Donné pour copie extraicte de son original estant devers la court.

A signé : Michaëlis.

18 octobre i5o4.