ARTICLES DU PROCUREUR GENERAL POUR L’INTERROGATOIRE DU MARECHAL

(Trésor des chartes de Bretagne, E 191, n° 1.)

Interrogatoires a faire a monseigneur le mareschal de Gyé, adjourné a comparoir en personne au grant conseil du Roy, a l’instance du procureur general dudit seigneur audit conseil.

I. Premièrement, s’il scet la cause de sa venue, et puis quel temps il est venu et s’il en a point esté adverty, par quelz et puis quant.

II. Item, pourquoy il n’est venu a la première assignacion a lui faicte de par ledit conseil.

III. Item, puis trois ans en ça, il s’est point declairé et a dit a quelques personnaiges , une foiz ou pluseurs, que l’artillerie qu estoit a Amboise estoit pour garder monseigneur d’Angoulesme apres la mort du Roy, que nul n’en approuchast que par la main dudit de Gyé, et que s’estoit une des plus belles bendes de France et telle que, s il mesadvenoit au Roy, que estoit assez pour garder monseigneur et le faire le plus fort, et en quel lieu il a dit lesdites parolles ou semblables, et des presens.

IV. Item, s’il a point aussi dit qu’il estoit bien délibéré de garder que la Royne ne allast en Rretaigne ne madame Glaude, et s’en saisir jusques a ce qu’il vist qu’il seroit de faire apres la mort du Roy, et mander a ceulx de Tours qu’ilz gardassent les pons et ne laisser passer personne que premièrement il n’en fust adverty ou ceulx qui estoient

ordonnez en la plâ'ee pour lui, et a quelz personnaiges il a dictes lesdites parolles ou semblables, une foiz ou plusieurs, quant et en quel lieu, etc.

V. Item, si ledit de Rohan nye les choses dessusdites, sera interrogué s’il cognoist point François de Pontbriant freres et si icelui de Rohan a point parlé ou fait parler par autres des choses dessus escriptes en tout ou partie a madite dame d’Angoulesme, ausdits Pontbrians ou aucuns d’eulx.

VI. Item, et s’il dit qu’il ne leur ait parlé, sera interrogé s’il s’en veult rapporter a ce qu’ils en diront et ont depposé , etc.

VII. Item , sera aussi interrogé si, puis deux ans en ça, le Roy estant a Lyon, icelui de Rohan a point dit et declairé, a ung ou plusieurs, que , quant icelui de Rohan aloit devers le Roy estant au lict avecques la Royne, icelui de Rohan parloit au Roy, ladite dame présente, d’une sorte, et quant elle estoit absente il en parloit d’une autre, et s’il disoit pas qu’il le faisoit ainsi pour ce qu’il savoit bien que la Royne n’aymoit pas icelui de Rohan et que aussi ne faisoit ledit de Rohan ladicte dame.

VIII. Item, aussi sera interrogé si, durant ledit temps et le Roy estant audit Lyon, icelui de Rohan pareillement dit a ung ou plusieurs que, s il mesadvenoit au Roy et que la Royne s’en voulust retourner en Rretaigne, ledit de Rohan avoit Angiers, Amboise a son commandement, et qu’il garderoit bien ladite dame de s’en aller ainsi et aussi madame Glaude.

IX. Item, aussi sera interrogé si, durant ledit temps, le Roy comme dessus estant audit Lyon, icelui de Rohan dit, a ung ou plusieurs, que, si la Royne se cuidoit beaucop aider et servir de Rretaigne, quelle ne le feroit pas comme elle entendoit, et a quelz lins il disoit lesdites parolles.

X. Item, pareillement sera interrogé si aussi, durant ledit temps, le Roy estant audit Lyon derrenierement, icelui de Rohan dit pas a ung ou plusieurs que le Roy avoit promis audit de Rohan le gouvernement de Guyenne ou cas que le bastard de Bourbon Mathieu mou-

rust, et que, si ainsi estoit, ledit de Rohan avoit en gouvernement monseigneur d’Angoulesme et, ayant ung seigneur d’Albret ou semblable autre personnaige en ses espaules, et lui tenant Fronzac, icelui de Rohan seroit bien pour faire rancher a ce qu’il vouldroit ceulx qui seroient pour contrarier a son intencion en ce royaume.

XI. Item , sera interrogé s’il cognoit pas le prothonolaire d’Ambeyrac et s’il lui a pas, aucun temps en ça, demandé si ledit seigneur d’Albret trouveroit point de gens qui en auroit a besoigner et si, ledit prothonotaire lui respondant que oy, icelui de Rohan lui dit qu’il en estoit bien aise, priant ledit prothonotaire recommander ledit de Rohan audit d’Albret, et lui dit que icelui d’Albret feroit bien d’entretenir le plus de gens qu’il poui’roit, et a quelz fins il parloit et mandoit dire audit d’Albret lesdites choses, et s’il le faisoil du sceu et vouloir du

Pl0y‘

XII. Item, s’il nye les choses dessus dites, s’il s’en veult rapporter au dire et depposition dudit seigneur d’Albret.

XIII. Item, s’il a point aussi dit lors, depuis ou avant, que, si en son absence il mesadvenoit au Roy, que ceux a qui il adrecoit lesdites parolles, ou semblables, le feissent ainsi et qn’ilz en amenassent mondit seigneur d’Angoulesme Angiers a tel heure que les nobles viendroient par eauve, et a la plus grant diligence que l’on pourroit, afin que ceulx de Tours n’en fussent advertiz de peur qu’ilz n’y donnassent empeschement.

XIV. Item, et, si pour parvenir ausdites fins et entreprinse, il disoit point a celui ou ceulx a qu’il s’adressoit, touchant les dessusdites parolles, qu’il failloit feire ou faire faire quelques bateaux, soubz umbre et couleur de s’en vouloir servir aux isles et lieux prouchains dudit Amboise, a ce qu’on ne cogneust point la cause pourquoy c’estoit, disant et chargeant bien expressément, et s’il disoit point a celui ou ceulx a qui il l’adrecoit surtout qu’ilz gardassent bien que, ledit cas advenant, personne du monde n’entrast ou lieu ou se trouveroit ledit seigneur d’Angouîesme, plus fort que ledit de Rohan , jusque® a son arrivée, et fust ce monseigneur ou madame de Bourbon.

XV. Item aussi, s’il leur disoit et chargeoit pas que, ou cas que madame d’AngouIesme leur vouldroit en ce contredire, qu’on ne i’en creust pas.

XVI. Item aussi, soit interrogé si, madite dame Glaude estant dernièrement a Loches, devant ou depuis, ledit de Rohan a point dit, a ung ou plusieurs, que icelui de Rohan estoit bien aise que madite dame estoit a Loches, qui estoit une bonne place loing de riviere et entre les mains d’un homme dont il cuidoit bien estre asseuré, ou cas qu’il mesadvint au Roy, et que la Royne ne le pourroit recouvrer et le recouvreroit pas dudit Loches comme elle pourroit faire de Bloys.

XVII. Item aussi, soit interrogé si, en parlant de la Royne, ledit de Rohan c’est point declairé et vanté, a ung ou plusieurs, cjue icelui de Rohan ne craignoit moins que riens ladicte dame et qu’il estoit asseuré de son maistre, tellement qu’elle ne lui sauroit nuyre, et que aussi icelui de Rohan savoit bien que ladicte dame n’aymoit pas madame d’A ngoulesme , et que -icele dame ne tachoit que de soy fortifier et d’afoyblir ladite dame d’Angoulesme : de loco et tempore, etc.

XVIII. Item aussi, s’il declaira point que la Royne estoit bien abusée de ce quelle cuidoit estre aymée de beaucop de gens en ce royaume et les cuidoit gasgner, mais, quant viendroit a l’afere, elle ne les trouveroit pastelz, et quelle malcontentoit plusieurs de ses barons et des principaulx en Bretaigne, inter ceteros Rieux.

XIX. Item aussi, si declaira point que la Royne lui tenoittort pour la judicature de Tours qu’elle vouloit fere donner, contre le vouloir dudit de Rohan , et de la terre de Brissac qu’il vouloit avoir pour lui, et la Reyne tenoit pour René de Cossey; et que la Reyne estoit marrie que ledit de Rohan avoit en sa garde mondit seigneur d’Angoulesme, et que estoit elle qui lui avoit fait ceste avanie d’avoir fait oster d’Amboise 1 artillerie pour la mettre a Bloys.

XX. Item aussi, sera interrogé si, puis trois ans en ça ou d’avant, ledit de Rohan a point dit et fait dire a ung ou plusieurs, et a diverses foiz , que ledit de Rohan savoit une maladie secrete au Roy de son flux de sang, goutte ou autre maladie, a moien de quoy ledit sei-

gneur ne povoit longuement durer qu’il ne fust en dangier de sa personne, et qu’il s’en alloit faire la fin de sa mere.

XXI. Item si, puis ledit temps en ça, et mesmement le Roy estant dernièrement a Lyon, ledit de Rohan a point fait et escript par lettres de creance ou autres missives a ung ou pluseurs lesdites maladies du Roy, et a quelz fins, et qui sont ceulx ou celui qui portoient ladite creance.

XXII. Item, si, puis ledit temps de trois ans en ça, ledit de Rohan , estant Amboise , envoya point aucun ou aucuns en la ehappelle dudit Amboise pour savoir si le Corps Nostre Seigneur y estoit, et si apres, lui adverty qui y estoit, il feist venir ses archiers faire serement de bien servir le Roy soubz sa charge et de faire tout ce que Ploret leur ordonnerait en son absence, et que ainsi le feist, voulant ou non madite dame d’Angoulesme ou autre, et qu’il en demourast le maistre.

XXIII. Item, et a quelz fins il faisoit faire ledit serment et si lesdits archiers et autres, qu’il faisoit jurer lors, n’avoientpas fait auparavant et a leur venue en ladite place le serment aeoustumé, et pourquoy, ne a quelz fins il disoit que Ploret le feist, ainsi voulant ou non ladicte dame d’Angoulesme , etc.

XXIV. Item aussi, si ledit de Rohan a point dit a ung ou plusieurs, puis quel temps en ça, et en quel lieu, que le Roy avoit dit a icelui de Rohan, par plusieurs foiz, que madame d’Angoulesme tromperait ledit de Rohan et que, si n’eust esté ledit de Rohan, eust esté monseigneur le conte d’Angoulesme a madite dame d’Angolesme sa mere, a quoy ledit de Rohan n’avoit voulu consentir.

XXV. Item aussi, soit interrogé si, durant ledit temps devant ou depuis, icelui de Rohan c’est déclaré, et dit, a ung ou pluseurs, et quelz, que ledit Rohan se tenoit asseuré des gardes du Roy, et quilz le suyvroient tretous, et feraient tout ce qu’il leur dirait, voyant qu’d avoit monseigneur d’Angoulesme entre ses mains; et a quelz fins il disoit lesdites parolles , et quelz estoient lesdits gardes.

XXVI. Item aussi, durant ledit temps d’avant ou apres, et en quel lieu ledit de Rohan a point prié et fait prier par autres, tant de bouche

que par lettres missives, ladite dame d’Angoulesme ou autres grans personnaiges prendre seureté en icelui de Rolian apres la mort du Roy, et qu’il fust préféré, ledit cas advenantau Roy, entre monseigneur d’Angoulesme a tous autres pour y avoir la principalle charge et gouvernement, et qu’il estoit pour leur fere beaucop de services.

XXVII. Item aussi, s’il a point, durant ledit temps auparavant ou depuis, prié ou fait prier ladite dame d’Angoulesme, tant par lettres que de bouche, par ung ou pluseurs, et a diverses foiz, que ladite dame voulsist tant faire que le fîlz dudit de Rohan couchast et dormist avecques rnondit seigneur d’Angoulesme, son fdz, et faire mettre en son service le seigneur de Segré et Brandelis de Champaigne, pour bien conseiller et conduire monseigneur son filz, comme ceulx qu’il cognoissoit en ce royaume les plus seurs et soufîsans pour bien l’instruire, et aussi Canongat, Ploret, le Capdet et l’Espinasse pour ses maistres d’ostel, varletz de chambre, escuiers et bons serviteurs.

XXVIII. Item, et a quelz fins icelui de Rohan vouloit ainsi faire dormir et coucher sondit fdz et mettre les autres personnaiges ou service de mondit seigneur d’Angoulesme, et s’il le faisoit du vouloir et bon plaisir du Roy, considéré qu’il estoit continuellement et la pluspart du temps auprès de la personne du Roy, qui lui avoit baillé la principalle garde, gouvernement de mondit seigneur d’Angoulesme.

XXIX. Item aussi, si durant ledit temps, devant ou apres, parlant avecques ladite dame d’Angoulesme, ledit de Rohan lui a point dit, en 1 exortant et priant, que, s’il mesadvenoit au Roy, elle voulsist consentir que mondit seigneur d’Angolesme, son fdz, fust amené Angiers, qu estoit une des plus seures et fortes places de ce royaume, le plus secrètement et a moindre compaignie que ce pourroit faire , a ce que personne ny mist empeschement ; et que, ledit cas advenu, et ainsi faisant, si monseigneur et madame de Bourbon y venoient, madite dame dAngoulesme pourroit aler parler a eulx en la ville, car les gens dudit de Rohan ne lairroient entrer lesdits de Bourbon ne autres jusques a la venue ou arrivée cl’icelui de Rohan, quelque part qu’il fust, et s il lui disoit qu il estoit le personnaige de ce royaume qui mieulx

lui povoit servir ou nuyre et faire ung mauvaiz tour, et a quelz fins il disoit lesdites parolles.

XXX. Item aussi, sera interrogé si, durant ledit temps qu’il parloit des choses dessus, devant ou apres, il a point dit, a ung ou pluseurs, que icelui de Rohan avoit mis sa compaignie ou la mettroit bientost sur la l’iviere de Loire pour estre plus près et preste a faire quelque chose, s’il estoit besoing, pour venir la ou seroit mondit seigneur d’Angoulesme au cas qu’il advint inconvénient au Roy, et a quelz fins il disoit et vouloit ce faire.

XXXI. Item aussi, s’il c’est point declairé et vanté que, s’il mesadvenoit au Roy, que ledit de Rohan garderait bien que madame Glaude 11e yroit point en Rretaigne , et qu’il la marierait a monseigneur d’Angoulesme s’il povoit et avoit auctorité , et a qui ou quelz il en a parlé : de tempore et loco, etc.

Donné, etc.

Montriehard, 9 septembre i5o4.