DEPOSITION DE JEAN BERT1N , DIT LANCEMENT

sur un ravitaillement du château de Maillé.

( Même cote. )

(Même date.)

Jehan Bertin, dit Lancement (2>, demourant en la parroisse de Sainct Denis dudit Amboyse, aagé de xxiv ans ou environ, a dit et actesté, certifié et pour vérité affermé par devant nous que, ung an a ou environ la fêste Sainct André derrenierement passée, lui fut fait comman-

Cette déposition et la suivante complètent l’enquête que nous avons insérée page io. On trouvera aux pièces justificatives les actes judiciaires qui ont donné lieu aux faits rapportés dans ces enquêtes.

<s> Ce sergent, appelé simplement Lancement dans les actes, avait été élevé au ser¬

vice de la reine Anne. (Voir les comptes de la Trésorerie j Arch. nat. , KK 84 , fol. 1 84 v°.) Il paraît être le fils de Jean Bertin , damoiseau, seigneur du Burg (en Artois), sur les mariages duquel on n’est pas bien d’accord et qui testa en i5oa.

dement par monseigneur Ploret, lors lieutenant ou chaste! dudit Amboyse pour monseigneur de Gyé, mareschal de France , capitaine dudit Amboise, de aller avecques lui pour aider a avitailler ceulx qui estaient au chastel de Maillé pour mondit seigneur le mareschal; lequel attestant obeyt aux commandemens dudit seigneur de Ploret, et alla avecques lui et plusieurs autres qu’il y mena lors pour le acompaigner et menner de vivres a ceulx qui estaient audit chastel de Maillé; et dit icelui actestant que, quant ledit Ploret, icelui actestant et les autres que ledit Ploret menoit avecques lui furent près ledit chastel de Maillé, icelui Ploret leur fist bander leurs arbalestes, et leur dist et enchargea que, si on leur demandoit aucune chose, qu’ilz se défendissent et qu’ilz missent peine a les tuer s’ilz povoient; et, quant ilz furent devant ladite place et chastel de Maillé, ledit Ploret ne voulut entrer dedans; et sortirent dudit chastel pour aller au devant dudit Ploret les nommez Pregent, Francoys Le Gay, archiers de la compaignie de mondit seigneur le mareschal , et autres qui estaient en icelui chastel avecques eulx; lequel Ploret lors demanda audit Pregent, Le Gay et aux autres qui estaient sortiz dudit chastel ces parolles ou semblables : tr Qu’est ce que y a il, que vous fait l’on? b Et lors iceulx Pregent, Le Gay et les autres lui respondirent que on leur tenoit le siégé devant ledit chastel, jour et nuyt, tellement qu’ilz n’ousoient sortir dehors ne eulx monstrer en aucune maniéré. Lequel Ploret, lors, leur dist que, s’ilz y retornoient plus, ne jour ne nuyt, qu’ilz tirassent de bons garrotz contre eulx, et les tuer s’ilz povoient; et leur dist qu’ilz ne rendissent point la place sur leurs vies, et que le commissaire ne ses gens n’y entrassent point s’ilz ne passoient pas sus leurs ventres. Et est ce qu’il dit et atteste.

Suivent les dépositions analogues de Louis Cochinart, écuyer; de Guillaume Bon net; de Claude et Nicolas de Monte au, tous gardes des eaux et jotels d Amboise et de Montrichard; Jean Cochon; Guillaume Cocbinart ; Jean Hodet (ou Aubé).