COMPARUTION DU MARÉCHAL

(ad MOIS D’OCTOBRE l5o4.)

Du quinziesme jour d’octobre, mil cinq cens et quatre, a Orléans, audit conseil, ou estaient :

M. Buynard, M. Maignier,

Monseigneur le chancellier M. Carmonne,

Monseigneur desPontotz, M. Nicolay,

M. De Prato,

M. Baudot,

M. de Luynes,

M. de Saint André.

M, Cohardi, M. DE PaVYE, M. DE SeLVA,

M. DE MaLEVILLE.

Au jour d’uy, quinziesme jour d’octobre, mil cinq cens et quatre, apres ce que messire Pierre de Rohan , chevalier de l’ordre et mareschal de France, a dit qu’il avoit esté adjourné a comparoir en personne ou conseil et qu’il a requis qu’on voulsist dire les causes pour lesquelles il avoit esté adjourné audit conseil , iceluy conseil a ordonné et ordonne que ledit de Rohan respondra, par foy et serement et sans ministère d’advocat, aux interogatoires qui lui seront faiz, et par devant les commissaires qui a ce seront commis et ordonnez par ledit conseil , et que, ce pendent, ledit de Rohan ne partira de son logeis jusques a ce

que ledit conseil autrement en ait ordonné. Fait les an, jour que

dessus.

Collation est faicte. — De Moulins.

Sur la requeste députée au conseil par ledit de Rohan W, tendent par icelle a fin d’estre receu a prouver et informer tant de sa bonne fiance et renommée que aussi de certaines conspiracions, inimitiez, malveillances et autres suspicions et choses qu’il prétend avoir esté faictes a l’encontre de luy, et au moien desquelles il a esté adjourné a comparoir en personne, et que, pour ce faire, ledit conseil luy deputast commissaires, par lesquels il peust faire sesdites preuves; et aussi que, pour la conduicte de ladite matière, ledit conseil luy voulsist octroier et permectre avoir du conseil; iceluy conseil a ordonné et ordonne que, quant ledit de Rohan aura ohey et satisfait al’appointement donné au jour d’uy, par lequel a esté dit qu’il respondra, par foy et serement et sans ministère d’advocat, aux interrogatoires qui luy seront faiz par les commissaires qui a ce seront commis et ordonnez par iceluy conseil, ledit conseil lui pourveora sur le contenu en ladite requeste, ainsi qu’il appartiendra par raison. Fait comme dessus.

Collacion, etc.

Même jour.

Désignation, comme commissaires instructeurs, du président de Carmonne et des conseillers Nicolay, Du Prat et Pierre de Saint- André.

(Même cote.)

Ledit jour, oudit conseil, ou estaient les dessusdits, ont esté par iceluy conseil commis et ordonnez commissaires, maistres Christofle de Carmonne, president en la court de Parlement a Paris, Jehan Nicolay et Anthoine Du Prat, conseiller et maistre des requestes ordinaires de 1 ostel du Roy, et Pierre de Saint André, conseiller audit conseil, pour faire lesdits interrogatoires audit de Rohan, en ensuivant 1 appoinctement precedent faict comme dessus.

Collacion, etc.

(1> Voir cette requête, page 66.