M. DE SELVA

M. DE MaLLEVILLE, M. de la Salle.

<‘) Qu Calongat, Canongat. (Voir ci-dessus, pages 38,56, 79.)

Au jour d’uy, xvn'jour dudit mois d’octobre, an que dessus, a esté mis en deliberacion, oudit conseil, assavoir si messire Brandelis de Champaigne, chevalier, le capitaine Ploret et ung nommé le Calonger, familier et serviteur dudit de Rohan, seroient mis chacun a part et séparez l’un de l’autre, en maniéré qu’ilz ne peussent aucune chose dire ne communiquer avecques ledit de Rohan, jusques a ce qu’il eust respondu et satisfait aux interrogatoires selon les appoinctements precedens; sur quoy, ledit conseil a ordonné et ordonne que, par les commissaires ordonnez par ledit conseil a faire audit de Rohan lesdits interrogatoires, sera fait exprès commandement ausdits Brandeliz de Champaigne, cappitaine Ploret, le Calonger et a chacun d’eulx, qu’ilz se trouvent en leur logis chacun a part et séparément, et que inibicions et défenses leur seront faictes, et a chacun d’eulx, sur ladite peine de chacun de mil marcs d’or a applicquer comme dessus , de ne parler ne communiquer aucune chose avecques ledit de Rohan en quelque maniéré que ce soit, ne aussi l’un avecques l’autre, jusques a ce que iceluy de Rohan ait respondu et satisfait ausdits interrogatoires, et que par ledit. conseil autrement en fust ordonné. Fait, etc.

Collacion, etc.

Même jour.

NOTIFICATION

(Même cote.)

En ensuivant l’appoinctement precedent, et ledit mesme jour, lesdits commissaires dessus nommez se sont transportez au logis dudit de Rohan; et illec, parlant aux personnes desdits Brandelis de Champaigne, capitaine Ploret et le Calonger, leur ont fait, et a chacun deulx, a leursdites personnes, les commandemens et defenses dont dessus est faicte mencion, a ladite peine chacun de mil marcs d’or a applicquer au Roy nostredit seigneur.

Collacion, etc.

Même jour.