AJOURNEMENT AU MARECHAL POUR LE 1 0 NOVEMBRE
(Trésor des chartes de Bretagne, E 192, n° 2.)
A vous, a mes très honnorez et doublés seigneurs, messeigneurs maistres Clir-istofîe de Camionne, conseillier du Roy, nostre sire, et president en sa court de Parlement a Paris, Jehan Nicolai, Anthoiue Du Prat, conseilliers et maistres des requestes ordinaires de l’ostel du Roy, nostre sire, Guillaume de Bezançon, conseillier en ladite court de Parlement, a Paris, Pierre de Saincl André, conseillier dudit seigneur en son grant conseil, et Jehan de Selva, conseillier en la court de Parlement de Thoulouse, et commissaires en ceste partie, Pierre Aubert, huissier oudit conseil, honneur et reverence avec humble obéissance.
Mesdits seigneurs, plaise vous savoir que, par vertu des lettres royaulx a vous, Mesdits seigneurs, adressans, portails 111a commission, a la marge desquelles ces présentes sont attachées soubz mon seel, impetrées et a moy présentées en la ville d’Orléans de la partie de monseigneur le procureur general du Roy en sondit grant conseil, et du pouvoir a moy donné et commis par icelles : je, le vingt neufiesme jour d’octobre, l’an mil cinq cens et quatre, et a la requeste de mondit seigneur le procureur general, me suis transporté par devers
(1) Page 222.
la personne de Pierre de Rohan, seigneur de Gyé et mareschai de France; auquel, en parlant a sa personne, ay donné et assigné jour a estre et comparoir par devant, vous, Mesdits seigneurs, en la ville d’Amboise, au dixiesme jour de novembre prochain venant, et autres jours, lieux et heures qui par vous seront sur ce ordonnez, pour veoir par vous procéder au recollement des tesmoings que ja ont esté examinez, a l’encontre dudit seigneur de Gyé, et iceulx estre confrontez, si mestier est, le tout selon le contenu esdites lettres cy atachées.
Lequel seigneur de Gyé m’a respondu qu’il mettra peine de si trouver, et m’a demandé coppie de mon exploict, ce que luy ay octroyé.
Et tout ce, Mesdits seigneurs, vous certiffie estre vray, et par moi avoir esté fait par mon procès verbal; lequel, en tesmoing de ce, j’ay signé et seellé de mes seing et seel, les jour et an que dessus. — P. Aubebt.
